Sabunçu rayonunda Ramana qəsəbə sakinləri üçün ödənişsiz tibbi müayinə aksiyası keçirildi

16 avqust 2017 | 20:00

17.08.2017-ci il tarixdə Sabunçu Rayon İcra Hakimiyyəti və Sağlam Ailə Tibb Mərkəzinin birgə təşkilatçılığı ilə RİH-nin Ramana qəsəbə nümayəndəliyində Ramana sakinləri üçün ödənişsiz səyyar tibbi müayinə aksiyası keçirilmişdir. Aksiyada Sabunçu Rayon İcra Hakimiyyətinin İctimai-siyasi və humanitar məsələlər üzrə müavini Rəna Fərəcova və şöbənin əməkdaşları, Sağlam Ailə Tibb Mərkəzinin həkim kollektivi iştirak ediblər.Aksiyaya əsasən əhali pulsuz olaraq terapevt, endokrinoloq, USM, kardioloq, oftalmoloq, LOR, pediatr və ginekoloji müayinələrdən keçirilməklə 279 sakin müayinə edildi. Bununla yanaşı tibbi müayinədə iştirak edən hər bir vətəndaşa qanın ümumi analizi üçün xüsusi kupon verildi.
Bu aksiyanın rayonun digər qəsəbələrində də keçirilməsi nəzərdə tutulub.

Keçidlər