Sabunçu Rayon İcra Hakimiyyəti başçısının Maştağa qəsəbəsi üzrə nümayəndəliyinin 2018-ci ilin yekunları və 2019-cu ildə qarşıda duran vəzifələrə dair hesabat yığıncağı keçirildi

28.01.2019-cu il tarixdə Maştağa qəsəbəsində yerləşən H.Abbasov adına Maştağa Mədəniyyət Mərkəzində Sabunçu rayon İcra Hakimiyyəti başçısının Maştağa qəsəbəsi üzrə nümayəndəliyinin 2018-ci ilin yekunları və 2019-cu ildə qarşıda duran vəzifələrə dair hesabat yığıncağı keçirildi.
İclasda Sabunçu Rayon İcra Hakimiyyəti başçısının I müavini Güloğlan Məmmədov və müavin Rəna Fərəcova, Rayon İcra Hakimiyyəti başçısı aparatının şöbə müdirləri, Rayon İcra Hakimiyyəti başçısının Maştağa qəsəbəsi üzrə nümayəndəsi, Maştağa Bələdiyyə sədri və bütün xidmət sahələrinin rəisləri iştirak edirdilər.
Sabunçu Rayon İcra Hakimiyyəti başçısının I müavini Güloğlan Məmmədov iclası giriş sözü ilə açaraq qəsəbə haqqında ümumi məlumat verdi. Qeyd olundu ki, Maştağa qəsəbəsi Sabunçu rayonunun ərazisinə görə ən böyük qəsəbəsidir.  Qəsəbədə 8 tam orta məktəb, 6 məktəbəqədər təhsil müəssisəsi, 1 uşaq sanatoriyası, 1 musiqi məktəbi, 4 №li uşaq-gənclər inkişaf mərkəzi ,  H.Abbasov adına Mədəniyyət Mərkəzi, 7 saylı xəstəxana və poliklinika, 1 saylı Respublika Psixiatriya Xəstəxanası, Respublika Narkoloji Dispanser, təcili yardım stansiyası,  Gömrük Komitəsinin  kinoloji mərkəzi,  Avtomobil  diaqnostika mərkəzi ,  Maştağa  Olimpiya  mərkəzi,  FHN Yanğından mühafizə idarəsi və digər müəssisələr vardır.  Qəsəbədə daimi pasport qeydiyyatında olanların sayı 46750  nəfər, qeydiyyatsız yaşayanların sayı isə 63250  nəfərdir.
2018-ci ildə görülən işlər barədə məruzə ilə çıxış edən Sabunçu rayon İcra Hakimiyyəti başçısının Maştağa qəsəbəsi üzrə nümayəndəsi Şamil Alıyev bildirdi ki, 2018-ci il hesabat dövründə qarşıya qoyulmuş iş planı nümayəndəlik tərəfindən  yerinə yetirilmişdir. 2018–ci il ərzində nümyəndəlikdə 1500 nəfər sakin  qəbulda olmuş, fərdi qaydada dinlənilərək vətəndaşlara hüquqi qaydada  xidmətlər göstərilmiş, göstərişlər və məsləhətlər verilmişdir. Nümayəndəliyə il ərzində  vətəndaşlardan və qurumlardan 648  məktub  və bildiriş daxil olmuş, fərdi qaydada  478 cavab məktubu göndərilmişdir. Həmçinin  Sabunçu rayon İcra  Hakimiyyətinin 170 şifahi sorğusuna  cavab verilmişdir.
Hesabat  ilində  Maştağa  qəsəbəsində  təhsil, sənaye, infrastruktur və kənd təsərrüfatı sahəsində kifayət qədər işlər görülmüş, nailəyyətlər əldə edilmiş, yeni iş yerləri açılmışdır. Belə ki, il ərzində  Subtropik sovxoz ərazisində  29 ha istixana  quraşdırılaraq istismarına başlanılmış, 140 nəfərdər artıq sakin işlə təmin edilmişdır. Qəsəbə ərazisində  illik istehsal gücü 500 ton  olan   meyvə qurutma və saxlama  zavodu tikilərək istifadəyə verilmiş, 60 nəfərə yaxın qəsəbə sakini işlə  təmin edilmişdir.
27 min  nəfər əhalisi olan Savalan yaşayış massivində H.Əliyev Fondunun dəstəyi ilə 2 ha ərazidə yeni  960 yerlik  tam orta məktəb inşa edilərək ölkə  başçımız  cənab İlham Əliyev tərəfindən  şagirdlərin  ixtiyarına verilmişdir. Həmçinin, 187 saylı tam orta məktəbin əsaslı təmirdən sonra açılışında möhtərəm Prezidentimiz cənab İ.Əliyev iştirak etmişdir.
Hesabat ili ərzində ölkə başçısı Maştağa qəsəbəsinə müxtəlif tədbirlərdə iştirak üçün 3 dəfə səfər etmişdir ki, bu da qəsəbəyə göstərilən diqqətin bariz nümunəsidir.
Savalan yaşayış massivində uşağ bağçası və xeyir–şər evinin  tikintisi başa çatmışdır və hal-hazırda son tamamlama işləri görülür. Gülçülük sovxozunun ərazisində 4 obyektin inşası  başa çatıb, onlardan 2-si istifadəyə verilib, 2-də isə tamamlama işləri görülür. Maştağa - Nardaran yolunda 2 mərtəbəli obyekt, Ə.Əhmədov küçəsinin sonunda isə 2 obyekt  tikilməkdədir. H.Heybətov   küçəsində “Maştağa Mall” ticarət mərkəzi yeni tikilib istifadəyə verilmiş, “Sərin” şadlıq evi isə yenidən təmir olunmuş və qəsəbə sakinlərinin  istifadəsinə  verilmişdir. Nəticədə, 30 nəfərə yaxın qəsəbə sakini işlə təmin  edilmişdir. Hal-hazırda 7 saylı Birləşmiş Şəhər Xəstəxanasının  terapiya şöbəsinin yeni korpusu tikilməkdədir. Həmçinin, qəsəbə ərazisində 300-ə yaxın yeni müasir tipli evlər tikilmişdir.
Azəriqaz tərəfindən  qəsəbədə pərakəndə çəkilmiş müxtəlif diametrli köhnə qaz xətləri  ləğv edilmiş, 6850 P/M  müxtəlif  diametrli yeni qaz xətləri, 34 ədəd qaz tənzimləyici qurğu quraşdırılaraq istismara verilmişdir. 250 qaz tənzimləyici quraşdırılmışdır.
Azərişıq  ASC tərəfindən 2018-ci il hesabat dövründə  yeni 14 KTM, 1 TM istifadəyə verilmiş, 22600 metr AS-50, 3143  metr AS-70  hava xətti  dəyişdirilmiş,  130 ədəd  YG dayaq, ümumilikdə ölçüsü  müxtəlif  en kəsikdə   4305 metr kabel yenilənmişdir. Savalan yaşayış massivində  məktəb ərazisində 11 beton dayaq  ilə 10 KV-luq  2000 metrlik  xətt çəkilmişdir .
Sabunçu  Texniki  İstismar  idarəsi  tərəfindən 2018–ci ildə  1 ədəd  yeni paylayıcı qurğu, 11 ədəd  yeni  elektrik  dirək  və  14  ədəd  yeni çıraq quraşdırılmışdır, yeni xətlərin çəkilməsinə və zədələnmiş xətlərin dəyişdirilməsinə 2216 metr kabel istifadə edilmişdir .
2018-ci il ərzində Maştağa qəsəbəsi  və  onun  ətraf   yaşayış  sahələrində  ümumilikdə  1528  ədəd ADSL  portu  artırılaraq ümumi ADSL portalların sayı 6112 ədədə çatdırılmışdır, xətt sahəsində texniki pozuntular aradan qaldırılmışdır, abunəçilərin telefona olan tələbatını ödəmək üçün yeni layihələr icra olunmuşdur.
Azərsu  tərəfindən  2018–ci il  ərzində qəsəbə əhalisinin içməli su ilə təmin  edilməsi  məqsədilə ümumilikdə   9300 p/m müxtəlif  diametrli borularla su xətləri  çəkilmiş, 410 p/m  su xətti  isə  təmir olunmuşdur. 11 dəst müxtəlif ölçülü siyirmələr quraşdırılmış, 5 ədəd isə təmir olunmuşdur. Müvafiq  dövrdə  400 ədəd  su sayğacı  quraşdırılmış, 55  ədəd sayğac isə təmir edilmişdir.
2018-ci ilin payız-qış mövsümündə qəsəbənin məhəllədaxili ərazilərinin bir hissəsində su basmanın qarşısını almaq məqsədilə M.Hüseynzadə küçəsi, Zabrat-Maştağa körpüsünün altı-dəmir yolu xətti boyunca mövcud 800 metr uzunluğunda kanalın Zabrat qəsəbə nümayəndəliyi ilə birgə xüsusi texnika vasitəsilə içərisi təmizlənərək dərinləşdirilmişdir. Bakı şəhər MKTD-nın beton zavodunun  kənarından yeni 250 metr uzunluğunda kanal qazılmış, 80 metr məsafəyə 1 metr diametrdə beton borular düzülərək çirkab suyun axıdılması təşkil olunmuşdur. Bununla da mövcud göllərin sularının axıdılması təmin edilərək dəmiryol xəttinin və Zabrat-Maştağa körpüsünün bünövrəsinin yuyulmasının qarşısı alınaraq qış mövsümündə M.Hüseynzadə, Zabrat-Maştağa  şossesi boyunca yerləşən fərdi yaşayış evlərinin həyatyanı sahələrinin su basmasının qarşısının alınması məqsədilə qabaqlayıcı tədbirlər görülmüşdür.
Qəsəbədə sanitar gigiyenik vəziyyət ildən-ilə yaxşılaşır. Belə ki, qəsəbənin ayrı-ayrı küçə və yollarında 231 ədəd konteyner yerləşdirilmişdir ki, bu da öz növbəsində  qəsəbənin təmiz saxlanılmasına  yardım  edir.  2018 –ci ildə qəsəbə ərazisində ümumilikdə 7 məişət tullantısı meydançası tikilmişdir. Qəsəbə ərazisində il ərzində 10-dan cox yerdə özbaşına atılmış məişət tullantılarının qalaqları ləğv edilmişdir. Vətəndaşlar arasında  təbliğat  maarifləndirilmə  işləri aparılır. 
Azəryol servis tərəfindən qəsəbənin Maştağa-Nardaran yolunda su boruları dəyişdirildikdən sonra 24000 metr², Nizami küçəsinə 11000 metr², B.Bağırov küçəsinə 2000 metr², Savalan yaşayış massivində 11595 metr², H.Abbasov küçəsində 1000 metr² asvalt  çəkilmişdir.
Təhsil sahəsində  fəaliyyət göstərən 8 tam orta məktəbdə məktəblilərin  göstəriciləri qənaətbəxşdir. Belə ki,  336 məzundan 185 şagird ali məktəblərə daxil olmuşdur, onlardan 8 şagird 600-dən yuxarı, 24 şagird isə 500-dən yuxarı  bal toplamışlar. Sabunçu İcra Hakimiyyəti  və  qəsəbə    nümayəndəliyi  tərəfindən  isə  300-zə yaxın ailəyə  bayramlar ərəfəsində  ərzaq yardımları paylanmışdır .     
Ötən ildə qəsəbə ərazisində bir neçə qanunsuz tikilinin qarşısı alınmış və nəzarətə götürülmüşdür. Həmçinin, bir neçə ət kəsimi yeri ləvğ edilmişdir. Bununla bağlı Polis Bölməsinin əməkdaşları ilə birlikdə mütəmadi reydlər keçirilir.
 İl ərzində  qəsəbə ərazisində  yaşıllaşdırma və abadlaşdırma ilə əlaqədar  mütamadi  iməcliklər keçirilmişdir, əraziyə düşən Maştağa-Buzovna, Maştağa –Nardaran yolunun sağ və sol kənarları və Nizami küçəsi təmizlənərək qaydaya salınmış, ağaclar budanmış, gövdələri rənglənmişdir. Maştağa İstirahət və Mədəniyyət Parkında yeni ağaclar əkilmiş, bayram günlərində güllərlə bəzədilmişdir.
Daha sonra Maştağa Bələdiyyəsinin sədri İlqar Qurbanov 2018-ci il ərzində bələdiyyə tərəfindən görülmüş işlər barədə geniş məlumat verdi.
Hesabat iclasının sonunda qəsəbə sakinlərinin də fikir və təklifləri dinlənildi və aidiyyatı qurumlara müvafiq tapşırıqlar verildi.