Sabunçu rayonunda əhalinin dispanserizasiyası uğurla davam edir
Azərbaycan Respublikası Prezidentinin cənab İlham Əliyevin tapşırığına uyğun olaraq 2014-cü il fevral ayının 17-dən başlayaraq respublikamızın bütün bölgələrində olduğu kimi Sabunçu rayonunda da əhalinin tibbi müayinədən keçirilməsi tədbirləri uğurla davam edir. Fevralın 17-dən etibarən xüsusi qrafiklər üzrə aparılan dispanserizasiyadan rayon üzrə 60557 nəfər insanın müayinələrdən keçməsi təmin olunmuşdur. Burada onlar ixtisaslı həkimlər tərəfindən hərtərəfli müayinə olunub, həkim göstərişinə uyğun olaraq müvafiq diaqnostik müayinələrdən keçirlər. Xəstəlik aşkarlanan insanlar müvafiq müalicə prosesinə cəlb olunublar.
Ölkə başçısının verdiyi bu tapşırıq, əhalinin sağlamlığının qorunmasına, xəstəliklərin erkən aşkarlanmasına xidmət edir. Qeyd edək ki, rayonda əhalinin tibbi müayinəsi may ayının 1-dək davam edəcək.
