Şriftin ölçüsü :

Saytın rəngi :

Sabunçu rayonunda 10 oktyabr - Ümümdünya Psixi Sağlamlıq günü qeyd olundu

09 oktyabr 2014 | 19:00

     Hər  il oktyabrın 10-u  bütün  dünyada  Ümümdünya  Psixi  Sağlamlıq Günü  kimi  qeyd  edilir.  Ümümdünya  Psixi  Sağlamlıq  Gününün vəzifəsi  psixi  sağlamlıq  probleminə  yanaşmada  dünya  əhalisinin məlumatlılıq  səviyyəsini  yüksəltməkdir. Məhz Ümümdünya  Psixi Sağlamlıq  Günündə  psixi  pozğunluqdan  əziyyət  çəkənlərin  lazımı müalicə  ilə  təmin  olunmasına  və  sağlam  yaşamağa  çağırış  ifadə edilir, həmçinin  psixi  sağlamlığın  möhkəmləndirilməsi  istiqamətində qlobal  səviyyədə  daha  çox  açıq  müzakirələrə  imkan  yaradır.
     10 oktyabr 2014-cü il tarixində  Sabunçu Rayon  İcra  Hakimiyyətinin və Azərbaycan  Respublikası  Səhiyyə  Nazirliyinin təşkilatı  ilə  Maştağa qəsəbəsində  yerləşən 1 nömrəli  Respublika  Psixiatriya  Xəstəxanasının  Reabilitasiya  şöbəsinin təşəbbüsü  ilə  “Psixi  sağlamlıqsız  sağlamlıq  olmur !” adlı tədbir keçirildi.  Tədbirin  keçirilməsində  məqsəd  cəmiyyətin psixi  pozuntudan  əziyyət   çəkən  insanlara  qarşı  stiqmanın  aradan qaldırılmasıdır. Tədbirdə  Sabunçu Rayon İcra Hakimiyyəti aparatının İctimai-siyasi və humanitar məsələlər şöbəsinin əməkdaşları, Maştağa qəsəbəsinin İcra Nümayəndəsi, xəstəxananın həkim personalı və Reabilitasiya şöbəsində müalicə alan pasiyentlər iştirak edirdi. Tədbirdə pasientlərin ifasında şeir, rəqs, musiqi, pantamimo, tamaşa təqdim olundu, eləcə də onların hazirladıqları rəsm  əsərləri  və müxtəlif   əl  işlərindən ibarət sərgi qonaqlara nümayiş olundu.  
     Tədbirin sonunda xəstəxananın Reabilitasiya şöbəsinin xəstələrinə və bir qrup baş tibb bacılarına hədiyyələr təqdim olundu.

Keçidlər