Sabunçu rayonunda “Uşaq hüquqları aylığı” çərçivəsində tədbir keçirildi
Azərbaycan Respublikasının Prezidenti cənab İlham Əliyevin 27 dekabr 2011-ci il tarixli Sərəncamı ilə təsdiq edilmiş “Azərbaycan Respublikasında İnsan hüquq və azadlıqlarının müdafiəsinin səmərəliliyini artırmaq sahəsində Milli Fəaliyyət Proqramı”nın müddəaları əsasında müvəkkilin təşəbbüsü ilə 20 oktyabr- 20 noyabr tarixlərində respublikanın bütün regionlarında olduğu kimi Sabunçu rayonunda da “Uşaq hüquqları aylığı” çərçivəsində bir sıra tədbirlər keçirilmişdir.
11 noyabr 2014-cü il tarixində Sabunçu Rayon İcra Hakimiyyətinin təşkilatçılığı ilə Maştağa qəsəbəsində yerləşən 1 saylı Uşaq Somatik Sanatoriyasında “Biz də Hüquqlarımızı tanıyırıq” adlı musigili-əyləncəli tədbir keçirilib. Tədbirdə uşaqlar hazırladıqları səhnəciklərdə öz hüquqları barədə məlumatlı olduqlarını nümayiş etdirdilər. Eyni zamanda onların ifasında rəngarəng musigi və rəqs nömrələri, şeir kompozisiyaları qonaqlar üçün təqdim olundu. Tədbirdə Rayon İcra Hakimiyyətinin əməkdaşları, Sanatoriyanın rəhbərliyi, müəllim və həkim kollektivi iştirak edirdi. Sonda Rayon İcra Hakimiyyəti tərəfindən 1 saylı Uşaq Somatik Sanatoriyasına hədiyyələr təqdim edildi.
.jpg)
