Sabunçu rayonunda “Talassemiya ilə mübarizəyə dair 2015-2020-ci illər üçün Dövlət Proqramı”na əsasən qanvermə aksiyası keçirilmişdir

26 fevral 2015 | 20:00

Azərbaycan Respublikası Prezidentinin “Talassemiya ilə mübarizəyə dair 2015-2020-ci illər üçün Dövlət Proqramı”nın təsdiq edilməsi haqqında 10 fevral 2015-ci il tarixli 1044 nömrəli Sərəncamına əsasən Sabunçu Rayon İcra Hakimiyyəti və Mərkəzi Qan Bankı 27 fevral 2015-ci il tarixində Kürdəxanı Sağlamlıq Mərkəzində qanvermə aksiyası təşkil etmişdir.
Kürdəxanı qəsəbəsində fəaliyyət göstərən bütün idarə və təşkilatlarının işçiləri, o cümlədən adi vətəndaşlar həvəslə və könüllü olaraq qana ehtiyacı olan insanlara kömək etmək üçün aksiyaya qoşuldular. Qanvermə aksiyasında iştirak edənlər əvvəlcədən müayinədən keçmiş, onlardan qan analizi götürülərək sağlam olub-olmamaları müəyyənləşdirilmişdir.
Talassemiya və Hemofiliya irsi qan xəstəliklərinin müalicə olunmasında qan köçürmə prossesi mühüm rol oynayır. Bu xəstələriklərdən əziyyət çəkən insanları qanla təmin etmək üçün Sabunçu rayonunun bütün qəsəbələrində qanvermə aksiyalarının keçirilməsi nəzərdə tutulmuşdur.

Keçidlər