Azərbaycan Respublikasının Prezidenti cənab İlham Əliyevin iştirakı ilə “İmamzadə” dini kompleksinin açılış mərasimində Sabunçu rayonunun din xadimləri iştirak ediblər

16 fevral 2016 | 20:00

17 Fevral 2016-cı il tarixində Prezident İlham Əliyev Gəncədə “İmamzadə” dini mədəniyyət abidəsinin əsaslı təmir və yenidənqurma işlərindən sonra yaradılan şəraitlə tanış oldu. Tədbir zamanı Prezident İlham Əliyev əvvəlcə respublika ictimaiyyətinin nümayəndələri və din xadimləri ilə görüşdü.
“İmamzadə” dini kompleksinin açılışında Sabunçu rayonundan ezam olunmuş nümayəndə heyətini Rayon İcra Hakimiyyəti başçısı Aparatının
İctimai-siyasi və humanitar məsələlər şöbəsinin müdir müavini-dini qurumlarla işin təşkilatçısı Məhəmməd Əsədov, Qafqaz Müsəlmanları İdarəsinin Sabunçu rayonu üzrə nümayəndəsi Musa Qasımov, rayon ağsaqqalı Hafiz Babayev, Bakıxanov qəsəbəsi “İmam Rza” məscidinin axundu, dini icmanın sədri Əmirxan Tahirov, Sabunçu qəsəbəsi ”Cümə” məscidinin axundu, dini icmanın sədri Zahir Mehdiyev və Ramana qəsəbəsi ”Qurban” məscidinin axundu Elmar Ələsgərov təmsil etdilər.
Tədbirdə Qafqaz Müsəlmanları İdarəsinin sədri Şeyxülislam Allahşükür Paşazadə, bir çox dövlət rəsmiləri və ölkədə fəaliyyət göstərən müxtəlif dini konfessiyaların rəhbərləri, respublika ictimaiyyətinin nümayəndələri iştirak etdilər.

Keçidlər