Sabunçu rayonunda “Biz Sizə güvənirik, rəşadətli ordumuz” adlı tədbir keçirildi

04 aprel 2016 | 20:00

05.04.2016-cı il tarixində Sabunçu rayonu, Zabrat qəsəbəsi, 81 № li tam orta məktəbdə “Biz Sizə güvənirik, rəşadətli ordumuz” başlığı altında tədbir keçirildi.
Ermənistan Azərbaycana qarşı növbəti silahlı təxribatı nəticəsində həlak olmuş hərbiçilərimizin və mülki şəxslərin ruhunu yad etmək və ordumuza dəstək məqsədi ilə Sabunçu rayonu 81 № li tam orta məktəbin müəllim, şagird və valideyn kollektivi əsgərlərimizə dəstək üçün məktəbin meydançasına toplaşdılar. Əvvəlcə qəhrəmancasına şəhid olmuş əsgərlərimiz haqqında video-çarx nümayiş olundu.
Tədbirdə məktəbin direktoru Mehriban Əli-zadə qeyd etdi ki, bizim hər birimizin ən böyük arzusu qələbədir, işğal olunmuş torpaqlarımızın, doğma Qarabağımızın geri qaytarılması, azad olunmasıdır. Artıq həsrətlə, böyük intizarla gözlədiyimiz o gün yaxınlaşır.
Bu yüksək vətənpərvər ruhun ən böyük memarı Ali Baş Komandan İlham Əliyevin hərbi qüdrətimizi yüksək səviyyəyə çatdırması, vətənpərvər oğullarımızın cəngavərlik ruhunu düşmənə əzmkarlıqla göstərməsidir. Tədbirdə məktəbin şagirdləri tərəfindən vətənpərvər ruhda müxtəlif şeirlər səsləndi, mahnilar oxundu, eyni zamanda məktəbimizin “Şahinlər”i “Əsgərmarşı” sədaları altında Azərbaycan bayrağını dalğalandırdılar.
Bəli, biz inanırıq ki, bu qələbələrimizin sayı durmadan artacaq, böyük bir qələbə sevincini yaşamaq istəyən arzularımız gerçəkləşəcəkdir.

Keçidlər