“Qəyyumluqda olan hər uşağa diqqət və qayğı!” layihəsi çərçivəsində növbəti görüş Maştağa qəsəbəsində yaşayan qəyyum uşaqlarla keçirilmişdir
24 sentyabr 2018 | 20:00
Sabunçu Rayon İcra Hakimiyyəti başçısının yanında Qəyyumluq və Himayəçilik Komissiyası, Ailə, Qadın və Uşaq problemləri üzrə Dövlət Komitəsi, “Qızıl Aypara” Cəmiyyətinin Sabunçu rayon təşkilatı və yerli özünüidarəetmə orqanları olan bələdiyyələrin birgə təşkilatçılığı ilə Sabunçu rayonu ərazisində yaşayan valideyn himayəsindən məhrum olmuş və qəyyumluğa verilmiş uşaqların yaşayış şəraitlərinin yoxlanılması, mənzil-məişət vəziyyətlərinə baxış keçirilməsi və cari ehtiyaclarının ödənilməsi məqsədi ilə həyata keçirilən “Qəyyumluqda olan hər uşağa diqqət və qayğı!” adlı layihə çərçivəsində növbəti görüş 25.09.2018-ci il tarixində Maştağa qəsəbəsində təşkil olundu. Görüşdə Sabunçu Rayon İcra Hakimiyyəti başçısının müavini, RİH başçısının yanında fəaliyyət göstərən Qəyyumluq və Himayəçilik Komissiyasının sədri Rəna Fərəcova, RİH başçısının yanında fəaliyyət göstərən Qəyyumluq və Himayəçilik Komissiyasının məsul katibi Səbahət Hünbətova, RİH başçısı aparatının şöbə müdirinin müavini Ədalət Teymurov, RİH başçısının yanında fəaliyyət göstərən Yetkinlik yaşına Çatmayanların İşləri və Hüquqlarının Müdafiəsi üzrə Komissiyanın uşaqlarla iş üzrə məsləhətçi – psixoloqu Ramilə Quliyeva, Ailə, Qadın və Uşaq Problemləri üzrə Dövlət Komitəsinin nümayəndəsi Tural Hüseynzadə, Qızıl Aypara Cəmiyyətinin Sabunçu rayon təşkilatının sədri Elmira Melikova, Maştağa bələdiyyəsinin sədri İlqar Qurbanov və əməkdaşları rayonun Maştağa qəsəbəsində yaşayan valideyn himayəsindən məhrum olmuş və qəyyumluğa verilmiş uşaqların yaşayış şəraitlərinə baxış keçirmiş, mənzil-məişət vəziyyətlərini yoxlamış və onlara müxtəlif hədiyyələr, ərzaq bağlamaları təqdim etməklə uşaqlarla söhbət aparmışlar.
Qeyd edək ki, on ay davam edəcək və rayonun bütün qəsəbələrini əhatə edəcək layihə çərçivəsində hər ay müvafiq qəsəbə üzrə üç ailədə monitorinq aparılması, qəyyumluqda olan uşaqlarla görüş keçirilərək onların müxtəlif ehtiyaclarının ödənilməsi nəzərdə tutulmuşdur.
Qeyd edək ki, on ay davam edəcək və rayonun bütün qəsəbələrini əhatə edəcək layihə çərçivəsində hər ay müvafiq qəsəbə üzrə üç ailədə monitorinq aparılması, qəyyumluqda olan uşaqlarla görüş keçirilərək onların müxtəlif ehtiyaclarının ödənilməsi nəzərdə tutulmuşdur.
Keçidlər
