Bakı Gənclər Mərkəzinin 5 illik yubileyi təntənəli şəkildə qeyd olundu
25 yanvar 2025 | 10:43
23.01.2025-ci il tarixdə Bakı Gənclər Mərkəzinin 5 illik yubileyi təntənəli şəkildə qeyd olundu. Tədbir şəhidlərimizin əziz xatirəsinə ehtiram əlaməti olaraq bir dəqiqəlik sükutla və Azərbaycan Respublikasının Dövlət Himninin səsləndirilməsi ilə başladı.
Rəsmi hissədə Bakı Gənclər Mərkəzinin direktoru Nərgiz Babayeva açılış nitqi ilə çıxış etdi. O, Mərkəzin 5 il ərzində həyata keçirdiyi layihələr, qazandığı uğurlar və gələcək hədəflər barədə geniş məlumat verdi. Bununla yanaşı, Bakı Gənclər Mərkəzinin fəaliyyətini əks etdirən “Biz Gəncliyin Mənbəyiyik” Jurnalı təqdim olundu.
Tədbirin bədii hissəsi isə gənclərin böyük həvəslə hazırladığı musiqi və rəqs səhnələri ilə yadda qaldı. Bununla yanaşı, Bakı Gənclər Mərkəzinin əməkdaşlarının ifasında səsləndirilən “Yubiley sədası” xüsusi maraq doğurdu.
Tədbirdə xüsusi qonaqlar arasında Sabunçu Rayon İcra Hakimiyyəti başçısının müavini Rəna Vəliyeva, millət vəkilləri, elm, mədəniyyət xadimləri, şəhid ailələri və qazilər iştirak edirdilər.
Həmçinin, tədbirdə xüsusi qonaqlar arasında iştirak edən Dövlət Gömrük Komitəsinin Akademiyasının rəisi, gömrük xidməti general-mayoru Qulu Novruzov tərəfindən Akademiya adından Mərkəzin yubileyi münasibətilə xatirə hədiyyəsi təqdim olundu.
Həmçinin, tədbirdə xüsusi qonaqlar arasında iştirak edən Dövlət Gömrük Komitəsinin Akademiyasının rəisi, gömrük xidməti general-mayoru Qulu Novruzov tərəfindən Akademiya adından Mərkəzin yubileyi münasibətilə xatirə hədiyyəsi təqdim olundu.
Tədbirdə çıxış edən ifaçılar arasında Azərbaycan Respublikasının Xalq Artisti Gülyaz Məmmədova, Əməkdar Artist Gülüstan Əliyeva, İlkin Dövlətov, eləcə də Rasim Səfər və Ayna Band qrupu iştirak edərək gözəl ifaları ilə tədbirə rəng qatdılar.
Keçidlər
