Rayon İcra Hakimiyyəti başçısının növbəti səyyar qəbulu Pirşağı qəsəbəsində keçirildi
28 mart 2024 | 17:56
Sabunçu Rayon İcra Hakimiyyətinin başçısının 28.03.2024-cü il tarixdə Pirşağı qəsəbəsi 112 saylı tam orta məktəbin akt zalında qəsəbə sakinləri ilə səyyar görüşü keçirilib. Görüşdə RİHB-nın müavinləri, RİHB aparatının şöbə müdirləri, RİHB-nın Pirşağı QİƏD üzrə nümayəndəliyinin əməkdaşları, Pirşağı bələdiyyə sədri və xidmət sahələrinin rəisləri iştirak ediblər.
İlk olaraq, qəsəbə sakinləri rayonda gedən abadlıq və quruculuq işlərinə görə ölkə rəhbərliyinə minnətdarlıqlarını bildirərək qəsəbənin ümumi problemlərini, əsasən kanalizasiya sisteminin təmiri, məişət məsələləri, işlə təminat, işıq təchizatı və s. məsələlərlə bağlı RİH başçısına müraciətlər ediblər.
Müraciət və təkliflər dinlənildikdən sonra sakinlərə müvafiq izahatlar verilərək qaldırılan məsələlərin araşdırılması və qanunvericiliyə uyğun həlli üçün aidiyyəti təşkilat və xidmət sahələrinin rəhbərlərinə müvafiq tapşırıqlar verilib, müraciətlərin müsbət həlli istiqamətində operativ tədbirlər görülüb.
Keçidlər
