Sabunçu rayonunda anım günü ərəfəsində şəhid ailələrinə ziyarətlər davam etdirilir
27 sentyabr 2023 | 15:17
26.09.2023-cü il tarixdə Sabunçu Rayon İcra Hakimiyyətinin başçısının I müavini Güloğlan Məmmədov, Sabunçu RİH başçısı aparatının şöbə müdirləri, Bakıxanov QİƏD üzrə nümayəndəsi və Bakıxanov Bələdiyyəsinin sədri Vətən müharibəsində şəhid olmuş Sabunçu rayon şəhidi Quliyev İlkin Rəfail oğlunun ailəsini ziyarət ediblər.
Görüşdə Azərbaycanın suverenliyi və ərazi bütövlüyü uğrunda canlarından keçən şəhidlərimizin əziz xatirəsi ehtiramla yad edilib. Sonra isə şəhidin fotolarından və şəxsi əşyalarından ibarət xatirə guşəsinə baxış keçirilib, onun döyüş yolu xatırlanıb.
Vətən müharibəsində Qələbənin Müzəffər Ali Baş Komandan cənab İlham Əliyevin rəhbərliyi ilə Azərbaycan Silahlı Qüvvələrinin qəhrəmanlığı, şəhidlərin qanı, canı bahasına əldə edildiyi vurğulanıb, şəhid ailələrinin hər zaman dövlətimizin diqqət və qayğısı ilə əhatə olunduğu bildirilib.
Görüşdə şəhid ailələri onlara göstərilən diqqət və qayğıya görə ölkə rəhbərliyinə öz dərin minnətdarlıqlarını ifadə ediblər.
Keçidlər
