Sabunçu rayonunda “Heydər Əliyev İli” çərçivəsində rayonun ümumtəhsil müəssisələrinin şagirdləri arasında keçirilən "Heydər Əliyev və Azərbaycan tarixi" mövzusunda intellektual yarış davam edir
“Heydər Əliyev İli” çərçivəsində Ailə, Qadın və Uşaq Problemləri üzrə Dövlət Komitəsi tərəfindən 5 may 2023-cü il tarixdə keçiriləcək intellektual yarışda Sabunçu rayonunu təmsil edəcək komandanı müəyyənləşdirmək məqsədilə 15.03.2023-cü il tarixdə Sabunçu Rayon İcra Hakimiyyəti, Sabunçu rayon Gənclər və İdman İdarəsi və Sabunçu Gənclər Evinin birgə təşkilatçılığı ilə ümumtəhsil müəssisələrinin şagirdləri arasında "Heydər Əliyev və Azərbaycan tarixi" mövzusunda breyn-rinq müsabiqəsinin zona (Bakıxanov) yarışı keçirildi. Zona yarışında 90, 71, 80, 72, 213, 148, 169, 107, 96, 94 və 310 nömrəli tam orta məktəblərin komandaları iştirak edirdilər.
Zona yarışında 90 və 310 nömrəli tam orta məktəblərin komandaları yüksək nəticə göstərərək növbəti mərhələyə vəsiqə qazandılar.
Qeyd edək ki, 30.03.2023-cü il tarixdə yarışın final mərhələsinin keçirilməsi nəzərdə tutulmuşdur.
