Sabunçu rayonunda Vətən müharibəsi şəhidi Nəsirov Əfqan Ramil oğlunun ad günü münasibətilə anım mərasimi keçirildi
29 mart 2023 | 14:41
29 mart 2023-cü il tarixdə Sabunçu rayonunda Vətən müharibəsi şəhidi Nəsirov Əfqan Ramil oğlunun ad günü münasibətilə anım mərasimi keçirildi. Tədbirdə Sabunçu Rayon İcra Hakimiyyəti başçısı Aparatının Vətən müharibəsi iştirakçıları və şəhid ailələri ilə işin təşkili şöbəsinin müdiri Fəqan Əlizadə, şöbənin böyük məsləhətçisi Fəqan Dünyamalıyev, Sabunçu Rayon İcra Hakimiyyəti başçısının Zabrat qəsəbəsi üzrə nümayəndəsi Elvin Şiriyev, Dövlət Gömrük Akademiyasının əməkdaşları, 71 №-li tam orta məktəbin müəllim və şagird kollektivi, şəhid ailələri, döyüş yoldaşları və qəsəbə sakinləri iştirak etmişdir.
Nəsirov Əfqan Ramil oğlu 29.03.2001-ci ildə Sabunçu rayonu, Zabrat qəsəbəsində anadan olmuşdur. 2018 ildə Sabunçu rayonu, Zabrat qəsəbəsində yerləşən 71 №-li tam orta məktəbi bitirmişdir. 2019-cu ilin iyul ayında həqiqi hərbi xidmətə çağrılmışdır.Vətən müharibəsi başlayanda xidmət etdiyi hərbi hissədən könüllü müharibəyə qatılmış, Füzuli istiqamətində gedən döyüşlərdə iştirak etmişdir.
20.10.2020-ci ildə Hadrut istiqamətində gedən döyüşdə qəhrəmancasına şəhid olmuşdur. 21.10.2020-ci ildə Sabunçu rayonu, Bakıxanov qəsəbəsi “Şəhidlər Xiyabanı”nda dəfn olunmuşdur.
Azərbaycan Respublikasının Prezidenti cənab İlham Əliyevin müvafiq Sərəncamı ilə ölümündən sonra III dərəcəli “Vətənə xidmətə görə” ordeni, “Vətən uğrunda”, “Cəsur döyüşçü”, Füzulinin azad olunmasına görə”, Cəbrayılın azad olunmasına görə”, Xocavəndin azad olunmasına görə”, “Şuşanın azad olunmasına görə” medalları ilə təltif olunub.
Keçidlər
