Sabunçu rayonunda “Yaşıl Vətənimizin Zəfər təntənəsi” adlı konsert proqramı keçirildi.
08 noyabr 2024 | 18:18
08.11.2024-cü il tarixdə Sabunçu Rayon İcra Hakimiyyətinin təşkilatçılığı və Azərbaycan Respublikasının Dövlət Sərhəd Xidmətinin Nümunəvi Hərbi Orkestrinin iştirakı ilə Sabunçu rayonu, Bakıxanov qəsəbəsində yerləşən Bakı Gənclər Mərkəzində “8 Noyabr - Zəfər Günü”nə həsr olunmuş “Yaşıl Vətənimizin Zəfər təntənəsi” adlı konsert proqramı keçirildi.
Tədbirdə Sabunçu Rayon İcra Hakimiyyətinin başçısı Adil Vəliyev, Milli Məclisin deputatları Fazil Mustafa, Arzuxan Əlizadə və Azər Allahverənov, YAP Sabunçu rayon təşkilatının sədri Araz Xudadanov, Rayon İcra Hakimiyyəti başçısının müavinləri, rayon hüquq-mühafizə orqanlarının rəhbərləri, şəhid ailələri, müharibə iştirakçıları və qazilər, Sabunçu Rayon İcra Hakimiyyəti başçısının inzibati ərazi dairələri üzrə nümayəndələri, bələdiyyə sədrləri, QHT-lərin rayon təşkilatlarının üzvləri, rayonun təhsil, səhiyyə, mədəniyyət və digər müəssisə və təşkilat rəhbərləri, rayon ictimaiyyətinin digər nümayəndələri iştirak edirdilər.
İlk olaraq tədbir iştirakçıları Ümummilli lider Heydər Əliyevin abidəsi önünə gül dəstələri düzərək əziz xatirəsini ehtiramla yad etdilər. Azərbaycan Respublikasının Dövlət Himni səsləndirildikdən sonra tədbir iştirakçıları ölkəmizin azadlığı, ərazi bütövlüyü və suverenliyi uğrunda qəhrəmancasına şəhid olan vətən övladlarının əziz xatirəsini bir dəqiqəlik sükutla yad etdilər.
Tədbir Azərbaycan Respublikasının Dövlət Sərhəd Xidmətinin Nümunəvi Hərbi Orkestrinin ifasında möhtəşəm konsert proqramı ilə davam etdi.
Keçidlər
