Sabunçu rayonunda “Beynəlxalq Ana Dili Günü”nə həsr edilmiş tədbir keçirildi

19 fevral 2015 | 20:00

20 fevral 2015-ci il tarixində Sabunçu qəsəbəsində yerləşən Bakı Sənaye-Pedaqoji Kollecində 21 fevral “Beynəlxalq Ana Dili Günü”nə həsr edilmiş tədbir keçirildi.
Tədbir Azərbaycan Respublikasının Dövlət Himninin oxunması ilə başladı. Kollecin direktotu Vidadi Orucov tədbir iştirakçılarını salamlayaraq, ana dilinin paklığından, gözəlliyindən danışaraq, dilimizin Dövlət dili kimi tanınmağında Ulu Öndər Heydər Əliyevin xüsusi səyini vurğuladı. Tədbirdə kollecin dərnək rəhbəri Abil İslam dil haqqında qələmə aldığı gözəl bir şeirini söyləyərək, gəncləri dilimizi qorumağa çağırdı.
Tədbir tələbələrin hazırladığı bir-birindən maraqlı çıxışları ilə davam etdi. Tədbirin sonunda Sabunçu Rayon İcra Hakimiyyəti Başçısı aparatının İctimai-siyasi və humanitar məsələlər üzrə şöbəsinin baş məsləhətçisi Samirə Mehtiyeva çıxış edərək, tədbiri yüksək qiymətləndirdi və kollecin rəhbərliyi başda olmaqla bütün kollektivə öz təşəkkürünü bildirdi.

Keçidlər