Azərbaycan Respublikası Səhiyyə Nazirliyi "Respublika Psixiatriya Xəstəxanası" publik hüquqi şəxsi

Azərbaycan Respublikası Səhiyyə Nazirliyi 1 nömrəli Respublika Psixiatriya Xəstəxanası 1936-cı ildən fəaliyyət göstərir. Bu 81 illik fəaliyyətində xəstəxana dəfələrlə təmir olunub yenilənmişdir. 100 çarpayılıq 3 şöbə ilə fəaliyyətə başlasa da hazırda ümumi çarpayıların sayı 2030 çarpayı olmaqla 31 şöbə ilə fəaliyyət göstərir. Xəstəxanamızın 6 qadın, 13 kişi, 3 vərəm, uşaq, yeniyetmə, narkoloji, nevroloji, yoluxucu xəstəliklər, məcburi müalicə şöbələri, 2 heronlotoji, qəbul, gündüz stasionar şöbələri, fizioterapiya, şüa diaqnostika, aptek, laboratoriya xəstələrə yüksək səviyyədə xidmət göstərir. Eyni zamanda xəstəxana müalicə olunan xəstələr arasında 300-dən çox sosial əlaqələrini itirmiş xəstələrə sahiblik edir. Xəstəxanamızın fəaliyyətində müalicə ilə yanaşı həkimlərimizin peşəkarlıq səviyyəsini artırılması da ön plandadır. Belə ki, həkimlər Rusiya, Türkiyə və bir çox Avropa ölkələrində dəfələrlə təkmilləşdirmə kursları keçmiş, konfrans və simpoziumlarda iştirak etmişlər. Bununla yanaşı dünyanın bir çox aparıcı klinikalarının professor və həkim heyəti xəstəxanamıza dəvət olunmuş və elmi-praktik konfranslar təşkil olunmuşdur. Xəstəxanamız son 2008-2017-ci illərdə əsaslı təmir olunmuş və müasir standartlara cavab verən avadanlıqlarla təchiz olunmuşdur.

Xəstəxanada 2258 nəfər xəstə müalicə alır, 889 nəfər işçi heyəti çalışır.

Xəstəxanamızda aparılan müalicə metodları əsasən aşağıdakılardır:

1. Medikamentoz- psixotrop dərmanlarla müalicə: xəstəxanamızda aparılan dərman müalicəsində son nəsil antipsixotiklərdən, müasir antidepressantlardan və digər əhval-ruhiyyə stabilizatorlardan, trankvilizatorlardan, neyroprotektorlardan və nootroplardan istifadə etməklə aparılır.

2. Psixoterapevtik metodlar: dərman müalicəsindən sonra xəstənin psixi vəziyyəti stabilləşdikdə xəstələr psixoterapiyaya cəlb olunurlar: (qrup və individual psixoterapiya, koqnitiv psixoterapiya, idman növləri).

3. Reabilitasiya işləri: Uzun illər fasilədən sonra 2012-ci ildə xəstəxanada yenidən yaradılmış Psixososial Reablitasiya Mərkəzimizdə xəstələr reablitasiyanın bir çox növləri ilə (teatr və musiqi terapiyası, xalçaçılıq, rəsm, dulusçuluq, heykəltaraşlıq, ebru sənəti, əl işləri və s.) məşğul olurlar. Bundan əlavə bütün şöbələrimizdə ayrıca reabilitasiya otaqları təşkil olunmuşdur. Xəstələr şöbə daxilində həmin otaqlarda reabilitasiya işləri ilə məşğul olurlar.

4. Elektro Konvulsiv Terapiya (EKT): Azərbaycan Psixiatriya tarixində ilk dəfə olaraq 1 nömrəli Respublika Psixatriya Xəstəxanasında Elektro Konvulsiv Terapiya kabineti yaradılmışdır. EKT kabineti ən son avadanlıqlarla təchiz olunmuşdur. 5. Əmək terapiyası: Ənənəvi olan Əmək Terapiyası xəstəxanada keçən əsrin ortalarından istifadə olunur. Bu metodla əmək qabiliyyəti olan xəstələrimiz Əmək Terapiyasına cəlb olunur. Əmək Terapiyasının xəstələrin psixi vəziyyətinin yaxşılaşmasında, cəmiyyətə inteqrasiya etməsində rolu danılmazdır.

Azərbaycan Respublikası Səhiyyə Nazirliyi "Respublika Psixiatriya Xəstəxanası" publik hüquqi şəxsi	AZ 1039 Maştağa qəs. Axund Şeyx Hüseyn küç. 155 İşçi-900 Çarpayı-2030 34 şöbə: 1-6-12 qadın şöbələri 7-11; 13-19 kişi şöbələri uşaq və yeniyetmə(4-16 yaş) 1-2 herontoloji şöbə Narkoloji şöbə 1-3 vərəm şöbələri Yoluxucu xəstəliklər şöbəsi Nevroloji şöbə ARMM şöbəsi GCMAPS şöbəsi İdarəetmə və təsərrüfat bölməsi Aptek, mətbəx, laboratoriya	Cəfərov Orxan Rasim oğlu 2023-cü ildən baş direktor vəzifəsində işləyir.	455-10-91
Baş direktorun müavini		Əsədov Elxan Əmir oğlu	455-10-91
Baş direktorun müavini		İsmayılova Rəna Ələkbər qızı	455-10-91
Baş direktorun müavini		İsmayılov Mayıl Qurban oğlu	455-10-91
Baş mühasib		Qurbanova İradə Ayaz qızı	455-43-87
Kadrlar şöbəsinin müdiri		İsmiyeva Gülşən Ağaismi qızı	455-10-91

Keçidlər