H.Abbasov adına Maştağa Mədəniyyət Mərkəzi

Bakı kəndləri arasında Maştağa teatra, mədəniyyətin digər növlərinə böyük maraq göstərməsi ilə başqa kəndlərdən fərqlənir. Yaşlı nəslin dediyinə görə, Maştağada teatra maraq hələ əsrin əvvəllərində yaranmışdı. Görkəmli teatr sənətkarları Hüseyn Ərəblinskinin va Cahangir Zeynalovun əsrin əvvəllərində yaratdıqları teatr, qoyduqları bəzi tamaşalar Bakıda va onun ətrafındakı kəndlərdə, o cümlədən Maştağada fəhlələr qarşısında göstərilirdi. Dillər əzbəri oImuş görkəmli aktyorlar Hacıağa Abbasov, Mirzağa Əlyev, Sidqi Ruhulla kimi sənətkarlar məhz Bakı kəndlərindən çıxmış cavanlar idilər ki, bu böyük sənət yoluna məhz həmin dövrdə qədəm qoymuşlar. Ömrünün əlli ildən çoxunu teatr sənətinə həsr etmiş Hacıməmməd Qafqazlının 20-ci illərin əvvəllərində Maştağada yaratdığı dram dərnəyinin tarixi çox təəssüf ki, indiyənədək tədqiq olunmamışdır. H.Qafqazlı öz xatirələrində qeyd edir ki, Maştağa Mədəniyyət Evi 1921- ci ildə fəhlə kəndli klubu adı ilə təşkil ediImişdir. Bu klub yaradılanda Əliheydər Qarayevin adını daşıyırmış. Sonradan klubun adı dəyişdirilmişdir. Maştağa fəhlə-kəndli klubunun qarşısına kəndliləri cəlb etmək, onlar arasında siyasi maarif işini canlandırmaq məqsədi qoyulmuşdu. Buna görə də həmin dövrdə bu klubda təşkil edilən dram dərnəyi vasitəsilə təkcə Maştağada deyil, həm də onun ətrafında yerləşən kəndlərdə - Bilgəh, Nardaran, Buzovna və Mərdəkan kəndlərində müxtəlif tamaşalar verilir, kənd əhalisi arasında geniş təbliğat, mədəni-maarif işi aparılırdı. Maştağa fəhlə-kəndli klubu sonralar öz fəaliyyətini genişləndirmiş va Maştağa Mədəniyyət evi adlandırılmışdır. Maştağada indiki Mədəniyyət evinin yerində əvvəllər bir neçə dükan mövcud idi. H.Qafqazlı burada dram dərnəyi yaratdıqdan sonra bu dükanları birləşdirib səhnə etmiş və orada teatr tamaşaları verilmişdir.

H.Qafqazlı Mədəniyyət evinin əsasını qoyanlardan biri və sənət ocağının ilk rəsmi rejissoru olub. Maştağada Mədəniyyət evinin inkişafında xüsusi xidməti olan şəxslərdən biri də Əliağa Baladəmir oğlu Qasımovdur. O uzun müddət Maştağa X.Ç.A. ansamblının rəhbəri, həmdə qadınlar klubunun baş müəllimi vəzifəsində işləmişdir. Ə. Qasımov xüsusilə 50-ci illərdə tar müəllimi kimi yeniyetmələrin musiqi tərbiyəsinə böyük diqqət yetirmişdir. Maştağa Mədəniyyət evində fəaliyyət göstərən X.Ç.A. ansamblının şöhrət qazanmasında Dərdayıl Qasım oğlu Qasımovun da boyük əməyi olmuşdur. O.1956-1968- ci illərdə ansamblın rəhbəri vəzifəsində işləmişdir. Dərdayıl Qasımovu bu ansamblda doğma əmisi tanınmış musiqiçi tarzən və musiqi aləti ustası Ə. Qasımov əvəz etmişdir. Vaxtilə Maştağa Mədəniyyət evinin nəzdindəki dram dərnəyi ilə birlikdə SSRİ xalq artisti görkəmli səhnə ustası Hökümə Qurbanova da çıxış etmişdir. Respublikanın xalq artistləri Həsənağa Salayev, Gülxar Həsənova və Şirzad Hüseynov Maştağa Mədəniyyət evinin səhnəsində müxtəlif tamaşalarda dəfələrlə iştirak etmişdilər.

Mədəniyyət mərkəzinin nəzdində “Poeziya teatrı” yaradılmışdır Teatrın rəhbəri Sona Kərimova olub. 80-ci illərdə klassik poeziya həvəskarları klubu da fəaliyyət göstərmişdir. Klubun üzvləri arasında Sona Xəyal, Mir Cəlal, Həsən Səyyar və s. adlarını çəkmək olar. 1922-ci ildə Maştağa Mədəniyyət mərkəzində yaradılmış “Meyxana folklor teatrı” öz dəsti xətti ilə başqa özfəaliyyət teatrlarından xeyli fərqlənib. Bu teatra Vüqar Əbdül başçılıq edib. Mədəniyyət mərkəzinin fəxr etdiyi kollektivlərindən biri “İstedad” X.Ç.A. ansamblıdır. Vaxtilə bu ansamblın yaradılmasında Novruz Aydəmirovun rolu böyük olub. Sonradan Mirzə Nəbiyev rəhbərlik edib. 1972-ci ildə X.Ç.A. Arxangelsk şəhərində keçirilən festivalda birinci yer tutmuşdu. Bundan əlavə Mədəniyyət evində Güləhməd adına “Muğam üçlüyü” fəaliyyət göstərib və üzvləri Balaxanım Məmmədova və Fəxrəddin Aydəmirov 1984-cü ildə festivalın qalibləridir. Fəxrəddin Aydəmirov Alim Qasimovun tələbəsi olub. Mədəniyyət mərkəzinin fəaliyyətinin genişlənməsinda direktor işləmiş Davud Məmmədzadənin, Şirbala müəllimin, Ağanəbi Axundovun böyük əməyi vardır. Maştağa Mədəniyyət mərkəzi hazırda görkəmli səhnə ustası Hacıağa Abbasovun adını daşıyır. Mədəniyyət evinə bu adın verilməsində Şirbala müəllimin böyük rolu olub. Mədəniyyət mərkəzində nağaraçılar opera studiyası fəaliyyət göstərib. Studiya Ü.Hacibəyovun 100 illiyi münasibətilə muğanşünas Vaqif Əliyevin təklifinə əsasən “Leyli və Məcnun” operasını tamaşaya qoymuşdur. Maştağa Mədəniyyət mərkəzində 1987-ci ildən başlayaraq “Kukla teatrı” yaradılıb və fəaliyyət göstərib. Həmin illərdə Mədəniyyət evində qızlar üçün “Dərzilik”, həmçinin “Qarmon” kursları da fəaliyyat göstərib. 2014-ci ildən etibarən binamız təmirə bağlanmışdır ve yaxın günlərdə açılışı gözlənilir. Nəzərinizə çatdırırıq ki, Mədəniyyət Mərkəzinin 13 nömrəli kitabxana filialı daxil olmaqla binası 3 mərtəbəli 310 nəfərlik tamaşaçı zalı, 88 nəfərlik konfrans zalı, 49 nəfərlik kino zalı, personal qrim, mühafizəçi, abonement, inventor, qonaq, mətbəx, paltar dəyişmə, məşq, rejissor, inzibati işıq proyeksiyası, işıq aparatı, səs operatoru, rəsm, rəqs, heykəltaraşlıq, evdarlıq, ədəbiyyat otaqları nəzərdə tutulub.

Müəssisənin adı	Ünvanı	Direktorun adı, soyadı, atasının adı	Telefon
«Hacıağa Abbasov» аdına Mədəniyyət Evi	АZ 1039 Maştağa qəsəbəsi, Şəfai 35	Dadaşov Tofiq Ağarza oğlu	455-39-54 455-29-35
zal-2=350 işçi	işçi-11

Keçidlər