Əliyev Əmirulla Vahid oğlu
.png)
Soyadı, adı, atasının adı: Əliyev Əmirulla Vahid oğlu
Təvəllüdü: 07.10.1996
Ailə vəziyyəti: Subay
Şəhid olduğu yer: Suqovuşan istiqamətində
Dəfn yeri: Ramana qəsəbəsi, “Şəhidlər Xiyabanı”
Təltifi: “Vətən uğrunda” medalı, III dərəcəli “Vətənə xidmətə görə” ordeni
.png){kind=small}
7 oktyabr 1996-cı il tarixdə Şamaxı şəhərində anadan olub. 2005-ci ildə Sabunçu rayonu 67 saylı tam orta məktəbinə daxil olub, ilk gündən müəllimlərin sevimlisinə çevrildi, 2011-ci ildə həmin məktəbi bitirib. 2011-ci ildə Bakı şəhəri, C.Naxçıvanski adına olan hərbi liseyə daxil oldu. Orada öz səliqə, əxlaq və savadına görə müəllimlərin hörmətini qazanmışdır. 2014-cü ildə müvəffəqiyyətlə imtahan verərək, Azərbaycan Ali Hərbi Məktəbinə daxil olmuş və həmin ilin dekabr ayında öz Vətəninə olan sevgisi barədə kitabı dərc etmişdir. Orada da imtahanlarını 2018-ci ildə müvəffəqiyyətlə vermiş, leytenant rütbəsinə yiyələnərək təyinatı üzrə Mingəçevir şəhərində yerləşən N saylı hərbi hissədə vəzifəsinin icrasına başlamışdır. 2020-ci il sentyabrın 27-də Suqovuşan istiqamətində düşməni məhv etmək üçün döyüşə atılmışdır. 28 sentyabr səhər saatlarında qarşı tərəfdən atılan minamyot partlayışı nəticəsində qəlpələrdən xəsarət alaraq şəhidlik zirvəsinə ucalmışdır.
